بدون شك ناس كتير أوي نفسها تكون في مجال الاذاعة ويكونوا مشهورين وليهم جمهور .. ولما

افتتحنا راديو عاجل في 2011 كانت خبرتنا قليلة وزادت مع الوقت والنهاردة بعد مرور 6 سنوات

على دخولنا مجال الاذاعة فهمنا إن الموضوع صعب وإنك لازم تتعب وتجتهد ويطلع عينك فعلا

عشان تكون مذيع راديو . مش عشان دخلت ستوديو وقولت كلمتين تلاته في المايك كده إنت

بقيت مذيع .. لأ طبعا إنت محتاج تنمي مهاراتك وتفهم كويس يعني إيه هندسة صوتية ويعني إيه

ميكساج صوت وازاى تعمل بروجكت بكواليتي عالي ده غير العلاقات العامة اللى لازم تنميها من

فترة للتانية . احنا في راديو عاجل صعب إنك تكون مذيع أساسي معانا .. عشان فعلا بنحترم

جمهورنا في أكتر من 51 دولة على مستوى العالم وعشان كده مواصفات المذيع بتاعنا بقت

أصعب وأصعب . كل اللى نقدر نرد بيه على سؤال ” إزاى تكون مذيع راديو ؟ ” إنك تنتمي لمكان

فاهم يعني إيه تدريب محترف وبرودكشن محترم.